Chapter 50
Roxy's PoV
“Roxy... sinong pipiliin mo, itong manloloko na 'to o ako na ama ng dinadala mo?”
Nagulantang talaga ako sa tanong ni Kino. His presence alone is overwhelming much more making a scene like this.
"Anong manloloko?" iyon lang ang tanong ko.
Hindi kasi ako makapaniwala na nasa harapan ko na ngayon si Kino na kinamumuhian ko pero sa kaibuturan ng aking puso, kinasasabikan ko talaga siya. Gustong-gusto ko siyang makita pero hindi ko inaasahan sa oras na ito siya susulpot na para bang wala siyang iniwan. Mabuti sana kung nagpaalam siya ng maayos sa akin. Mabuti sana kung hindi siya nagpropose sa akin at binuntis pa ako. Ngayon ay manggugulo siya sa araw ng gender reveal ng. . . ng anak niya.
"Pwede ba kung sino ka mang hampas-lupa ka, get lost!" asik ni Jey at aamba
