"Kaye," bigla ako napabangon mula sa pagkakahiga nang marinig ko ang boses ni Nathan ng sagutin ko ang cellphone. Tulog na sina Inay at Lance na katabi ko sa papag. "Kaye," ulit niya.
Nagmamadali akong lumabas ng kwarto at nakita kong tulog na din si Essa. Para akong magnanakaw na dahan dahan na binuksan ang pintuan. "Kaye," sabi ulit niya.
"Lumabas lang ako," lumayo ako ng konti sa bahay.
"I know," napakunot noo ako. "I can see you from where I am standing."
Mabilis akong lumapit sa gate at pilit na tumanaw sa kadiliman. Malalayo kasi ang mga poste ng ilaw, ganoon pa man, ligtas namang mag-lakad sa barrio namin.
"Hindi kita makita," sabi ko. "Nasaan ka ba?" luminga linga ako sa paligid. "Nathan!"
Muntik na akong mapasigaw ng lumitaw siya mula sa bakod at hinalikan
