Hindi pa rin nawawala ang pagkayamot niya kay Ashton lalo na at kahit gusto niya itong tawagan ay hindi naman nito dala ang cellphone, ang mas nakakaainis ay ang wala siyang ideya kung saan ba talaga pumunta ang mag-ama niya. Nang tignan niya ang oras at makitang alas kuwatro na ng hapon ay lalo siyang nabuwisit. Nakangusong naupo siya sa sala at binuksan ang TV. Wala naman siyang makitang magandang palabas kaya pinaglipat-lipat niya istasyon bago pinatay at nagsalubong kilay. Mula sa pagkakaupo ay gulat na napalingon siya sa may pinto nang pumasok ang maingay na si Beverly at may hawak na tatlong shopping bags. Kasama nito si Mitch at Nina na may hawak ding bag.
Nangunot ang noo niya, paano nakapasok ang dalawa gayong hindi naman niya narinig na tumunog ang doorbell?
"Hello there!" Sab
