MAGHAPON na naroon lang si Xena sa loob ng opisina ni Zev, pinag-aralan na rin niya ang mga gagawin niya para kapag nagsimula na siyang magtrabaho rito ay kahit paano may alam naman na siya.
“Zev, may alam ka ba na pwede kong upahan malapit dito sa ospital? Wala kasi akong ibang matitirahan kapag umalis na ‘ko kila Fay,” tanong niya sa binata, tumingin naman ito sa kaniya at bahagyang nag-isip.
Busy rin ito sa pagbabasa ng mga chart na nasa harapan nito, parang may inaaral itong cases. At mukhang seryosong case iyon dahil ang daming nakalatag na MRI and CT scan result sa table nito. Nakasuot pa ito ng eye glasses at hindi niya akalain na bagay pala rito iyon.
“I’ll think about it,” tugon naman nito na ipinagtaka niya. Tumingin lang ito ulit sa binabasa nito.
“Magkano pala offer mo sa ‘
