Chapter 12.5
UNANG bumaba’t sumisid si John sa ilalim ng tubig na kaagad namang sinundan ni Victor pagkatapos niyang humugot ng nakaparaming hangin—tumingin muna ako sa dalampasigan at nakita kong nakatingin sa amin sila Michael at Stephanie, kumakaway pa sila’t sumunod na rin ako sa dalawa.
Kamangha-mangha na mas malaki pa sa inaakala ko ang parte ng barkong nakalubog sa tubig. Maraming isda ang naglalanguyan sa paligid nito—lumalayo kapag nalalapitan ko. Nakikita ko naman ang dalawa na ilang metro ang layo mula sa akin. Lumingon sa amin si John—at suminyas upang ituro ang butas na papasukin namin. Pumasok na ‘to’t kaagad namang sumunod si Victor.
Pagkalapit ko sa butas—ay kapansin pansin ang maitim na parte sa palibot nito na para bang isang malakas na pagsabok ang naging dahila
