"SURE ka ba talaga diyan, Gracia?" may pag aalalang tanong ni Meme sa kapatid habang nakaupo ito sa gilid ng kama at tinitingnan ang kapatid na nasa tapat ng salamin. "Paano kung malaman ni Uran ang ginagawa mo? Dalawang linggo ka na ring nakikipagkita ng patago kay Octavio." dagdag pa nito.
"Ate, wala naman akong ibang magagawa kung ayaw ni Uran na pakinggan ang gusto kong mangyari tungkol sa kasal namin." aniya. "At isa pa, nag iingat naman ako."
Nagpakawala ng malalim na buntong-hininga si Meme dahil sa itinuran ng nakababatang kapatid. "Gracia, ang akin lang ayoko na mapahamak ka dahil diyan sa ginagawa mo. Paano na lang kung tuluyang magalit si Uran sa 'yo? At hindi sapat na dahilan ang hindi pag payag ni Uran sa Annulment na gusto mo para lokohin siya. Asawa mo pa rin siya Gracia k
