Nauna na kaming nagtungo sa recording studio kanina katatapos lang ng aming recording at hinintay na namin ito para mapakinggan ang nairecord naming mga boses bago tapusin sa pag eedit. Napag-utusan kaming apat na kumanta ng summer i.d. ng network na kinabibilangan namin. Oo, apat kami, Ako, si Mico, si Lyra at si Andrew. Masyado kasing tumunog ang pangalan naming apat dahil sa show namin ngayon. Sa katunayan ay natalo na namin ang ratings ng kabilang network sa panggabi. Kaya kahit hindi masyadong forte ni Andrew at Lyra ipinush ito ng management dahil sa demand na nakukuha namin dito.
Pagkatapos ay nagtungo din kami agad sa location ng show namin para sa taping.
"Ira, chocolates mo" abot sa akin ni Ate Rey, nagpunta kasi siya sa baba at namili ng pagkain kaya nagpabili narin ako nito.
