TRENTA minutos bago mag-alas nuebe ng umaga ay naitapak na ni Pia ang mga paa sa b****a ng campus. Pansin niya ang mga estudyanteng seryoso na nakatingin sa kani-kanilang mga cellphone at nagkumpulan sa hallway at sa mga poste. Hindi niya man malinaw na narinig kung ano ang pinag-uusapan ng mga nadadaanan niya, alam niyang may kakaiba ngayong araw sa St. Montecarlo Academy.
Iilan pa lang silang nasa silid pagpasok niya. Kung cellphone ang hawak ng mga tao sa labas, libro, ballpen, at notebook naman ang hawak-hawak ng mga kaklase niya. Nakakabingi ang katahimikan sa loob habang naglalakad siya tungo sa kanyang upuan. Muling bumukas ang pinto hindi katagalan na nakaupo siya. Kukunin niya pa lang ang cellphone sa bulsa ngunit nagmamadali na siyang tinabihan ng kaklaseng si Marky.
“Pia, na
