Mabait sa akin si Jeff.
Kitang-kita ko naman kung paano niya ako samahan sa mga oras na kailangan ko ng kasama o hindi naman kaya ay masasandalan.
Hindi rin niya ako pinapabayaan.
Natutuwa naman ako dahil palagi siyang nandiyan ano man ang mangyari.
“Hi, Ma’am, good morning po,” bati sa akin ni Kara.
Nagulat pa ako sa boses na narinig ko.
“Kara?” sambit ko rito.
Nakangiti itong lumapit sa akin.
“Tara, guys!” wika niya habang may mga tinatawag sa may pinto.
Napatayo naman ako at napalapit sa kung sino man ang kasama niya.
“Hello po, Ma’am,” sambit ng mga kasama ni Kara.
Nagulat naman ako nang mabungaran ko kung sino ang mga kasama nito.
“Chef, Ron, Kim, ano ang ginagawa ninyo rito?” tanong ko naman sa mga ito. Hindi ko kasi inaasahan na pupunt
