Hinikayat ni Art si Yas na lumabas muna sila. Iniwan nila ang dalawa para makapag-usap. Labag man sa kalooban ni Yas na iwan ang kaibigan pero ginawa pa rin niya. Nag-aalala kasi siya na baka may gawin si Pete na masama kay mia o di kaya sa baby. Hinawakan ni Arthur ang kamay ni Yas palabas sa kwarto. Bakas sa mukha ni Yasmin ang pag-aalala at habang paalis ay pasulyap-sulyap talaga siya.
"Huwag kang mag-alala, dito lang naman tayo sa labas." Bulong ni Arthur sa asawa.
"Okay.."
Karga karga pa rin ni Pete ang baby na mahimbing na natutulog sa braso niya. Iba talaga ang lukso ng dugo na tutunaw sa puso. Pinagmamasdan ni Pete ang sanggol na natutulog. Hindi siya makapaniwala na karga niya sa mga oras na iyon ang kanyang anak. Hindi niya mapaliwanag ang kanyang nararamdaman kaya di niya na
