Nakasakay kami ngayon sa kalesa. Kasama ko si Risca, Aqua at si King. Hanggang ngayon ay hindi pa rin ako makapaniwala na sasama sa amin si King.
Kahit na pinigilan siya ni Aqua sumama ay wala itong nagawa. Mas matigas ang ulo niya kaysa sa amin.
"U-Uhm, pwede magtanong? Saan tayo pupunta?"
Nabasag ang katahimikan nang magtanong si Risca. Maski ako ay hindi ko alam kung saan kami pupunta.
Ngayon ko lang naisip, balak naming sundan sina Helix pero di namin alam kung nasaan sila? Ang talino mo talaga Cleofa.
"Resoir, also known as the wet town."
Parehong kumunot ang noo namin ni Risca sa sagot ni King. Resoir? Wet town? Saan yun?
Tumagal ng ilang oras ang byahe at nabigla na lang ako nang sikuhin ako ni Risca.
"Pst."
Napalingon ako rito at dahan-dahan itong lumapit sa akin. "Btw, pa
