“Thank you, everyone for joining me here today! Please enjoy the party!”
‘Yun ang narinig nila Avon, Keith, Kian, Kristoff at Tasha nang pumasok sila sa Sunrise bar. Boses iyon ni Angel na nakatayo sa stage. Nakasuot ito ng kulay pulang tube na bestida na hanggang kalahati ng hita ang haba. Mas lalo pa itong tumangkad sa suot na red pumps na may 6 inches ang taas. May dala rin itong black metallic clutch na nakaipit sa kili-kili nito. May hawak din itong microphone habang nagpapasalamat sa lahat ng pumunta. Mukhang tapos na rin ang speech nito dahil ibinigay na nito ang microphone sa lalaking nasa stage bago bumaba .
Inilibot ni Avon ang mga mata sa paligid. Sa edad na disi-otso ay hinding-hindi pa siya nakatungtong sa isang bar. Kaya medyo naninibago siya lalo na nang makita niya kani
