NAKIPAGKITA si Lauren kay Jessica bago siya magpunta sa opisina ni Josiah para sa final meeting niya sa lalaki. Ilang araw na lang kasi ay magaganap na ang event. Para hindi makatanggi ang babae, doon siya mismo sa restaurant kung saan ito nag-oopisina nagpunta. Nabigla si Jessica, ngunit tinanggap din naman siya nito.
Nais niya kasing linawin kung maayos ba ang relasyon niya rito o hindi. Ayaw niyang mawala si Jessica dahil kinikilala niya ito bilang malapit na kaibigan, ngunit kung sumama ang loob nito sa kanya dahil sa relasyon niya kay Finn, posibleng mag-iba ang kanyang pananaw.
“Pasok ka na, Ms. Lauren,” wika ng sekretarya sa kanya.
Ngumiti lang siya rito at saka siya tumuloy sa loob ng opisina. Nakita naman kaagad niya ang kaibigan na prenteng nakaupo sa swivel chair nito.
Tum
