MABILIS na lumipas ang araw. Isang linggo pa ang nagdaan.
Naroon si Lauren sa airport para sa kanyang flight patungong Amerika. May layover siya sa Seoul, Korea. Pagkatapos ay doon siya sasakay muli ng isa pang eroplano patungong New York.
Pinagmasdan niya ang kanyang ticket. Premium economy seat lang iyon dahil wala siyang karapatan na gumastos para sa business seat. Kahit ang kasuotan niya ay simpleng pantalon at blusa na lang ng Fashion 21.
Habang naghihintay ay nag-ring ang kanyang cellphone. Nakita niya ang pangalan ni Finn sa screen bilang caller. Kinakabahan siya. Sa totoo lang ay ayaw na muna niyang makita ang lalaki. Nais niyang magkaroon ng piece of mind kahit sa loob lang ng ilang araw kaya hindi niya naibahagi ang oras at araw ng kanyang alis. Nag-aatubili siya kung sasagu
