Gugustuhin na talagang humagalpak sa tawa ni Zeke nang makita niya na namumula na sa pagpipigil ng galit si Xenon. Hindi man nitong magawa na itaas nang todo ang boses, mahahalat sa mukha nito na nagpupuyos na ito. Mabibigat na rin ang bawat paghinga nito, makikita rin ang pag-igting ng mga panga, at ang nakakamatay na matulis na tingin na tinatapon nito kay Ford na ngiting-ngiti lang din nang malaki. Tila nakuha na rin ni Ford ang ibig gawin ni Zeke. Hindi ito nagsalita nang tanungin ito ni Xenon kung ano ang sinabi ni Zeke. Bagkus ay tiningnan lamang ni Ford nang may malaking maloko na ngisi si Xenon. At saka iiling nang mahina at dahan-dahan tila inaasar pa nito lalo si Xenon.
Papagitna na si Zeke sa tila naglalaban na mga tingin ni Xenon at Ford. Gusto nang pumatay ni Xenon ngunit sin
