ABALA ako ngayon dahil nagpa-register ako sa isang review center para sa nalalapit na board exam for CPA. Kabado ako dahil ilang taon na rin akong graduate at pakiramdam ko, hindi ko na alam itong profession na kinuha ko noong college.
Sa October ang board exam ko at marami pa namang oras para sa review. Still, kabado ako dahil isa ang CPA Licensure Examination sa pinakamahirap na exam dito sa bansa; iyon ang sabi ng nakakarami kaya mababa ang passing rate. Hinihiling ko na lamang na kahit papaano sana ay makakapasa ako o makapasok ang magiging average ko sa passing.
Noong nasa kolehiyo ako, pinangarap ko na maging topnotcher, pero ngayon, mas gusto ko na lang na kahit pasang-awa ay ibigay sa akin.
“Okay na?” tanong ni Gareth nang makapasok ako sa loob ng kanyang kotse. Tumango ako sa
