THIRD PERSON POV
Napailing si Raquel sa loob ng kanyang opisina nang muling maalala ang huli nilang pag-uusap ng taong nagsasagawa ng imbestigasyon tungkol sa nangyaring pagsunog sa katawan ng isa sa kanyang mga empleyado na si Mando. Ang dating driver ng kanyang asawang si Hector Samaniego at nitong mga huling taon ay nagtrabaho bilang Messenger sa company na kanyang pagmamay-ari.
Malubha ang nangyari sa katawan ni Mando at halos hindi na ito ma-identify. Compromised ang facial features, fingerprints, at maging ang DNA ng biktima.
Kahit physical evidence ay walang nakita sa crime scene ang Investigation Division ng lokal na police station maliban sa motorsiklo at Company ID ni Mando. Kung sino man ang salarin ay kabisado nito ang lugar kung saan binawian ng buhay ang lalaki dahil sigur
