Enjoy Reading!
“Pagod na pagod na ako pero susubukan ko pa rin dahil alam kong hindi mo ako iiwan.”
Nawalan ng emosyon ang mukha ko. Tinitigan ko lang habang nakayuko at lumuluha. Siguro ay nakakarami na siya ng inom kaya nasabi niya ‘yon.
I already told him na hindi kami pwede sa ganoong sitwasiyon. Napakakulit talaga ng isang ‘to.
“You are not leaving me, right?” Tanong nito at tumingin sa akin.
Bakas pa rin ang luha sa kaniyang mga mata. Namumula ang kaniyang ilong at pisngi at halatang tinamaan na ng alak.
“Huwag mo nang sagutin,” bigla nitong bawi hindi pa nga bumubuka ang bibig ko.
Wala naman talaga akong balak sagutin ‘yon. Ayoko nang dagdagan pa ang kasinungalingan ko. Ayokong mangako dahil pagkatapos ng mission na ito ay mawawala na ako sa buhay niya.
