Chapter Seventy-Five
SEBASTIAN
"MANG NICHOLAS, sumagot po kayo," singit ni Sir Tolentino.
"Si..siya nga yung Antoinette na nakita ko. Siya yung babaeng hinahanap natin na makakasagot sa inyong mga katanungan. Siya ang may-ari ng kwintas na nalaglag noong araw na iyon,"
Halos gumuho ang aking mundo nang marinig ko ang kasagutan na galing mismo kay Mang Nicholas.
"Sigurado ka ba? Siya na iyan?" takang tanong ni Sir Benjamin at halata ang tuwa sa kanyang mga boses.
Sa parte ko, hindi ko mawari ang tunay kong nararamdaman. Hindi malinaw sa akin ang tunay na sinasabi ng aking puso. Gusto kong magalit kay Sam. Gusto ko siyang sigawan dahil sa kanyang pagsisinungaling.
"Oo. Hindi ako maaring magkamali Sir. Siya nga iyon,"
"Gaano ka kasigurado?" tanong ni Sir Tolentino habang ako ay hindi
