SERYOSO LANG si Tallulah habang naglilinis siya ng silid ni Gael. Kanina pa siyang tahimik at nagtataka rin siya dahil hindi siya sinalubong ng masungit na Gael nang makabalik siya sa mansyon. Kaswal lang itong nag-uutos sa kaniya at hindi siya sanay na hindi ito nagagalit sa kaniya.
Naalala na naman niya ang sinabi ni Callum tungkol sa lalaking yumakap dito. Alam na ni Gael ang tungkol sa anak nila pero bakit wala itong sinasabi? Matagal na ba nitong alam ang tungkol doon? Paano? Umiling siya. Hindi na siya dapat magtaka pa dahil alam naman niya ang kakayanan ni Gael na alamin iyon dahil sa yaman nito at sa koneksyon na mayroon ang pamilya nito.
"Hindi ka pa ba tapos, diyan?"
Napahinto siya sa paglilinis at nakita niyang nasa likod na niya si Gael. Seryoso lang itong nakatingin sa kani
