┈┈┈┈◦•✩•◦┈┈┈┈
Kinabukasan, maagang nagising si Mary. Kung tutuusin ay halos wala siyang tulog, pero hindi dahil sa pagod, kung hindi dahil sa bigat ng lahat ng nangyari kahapon. Halos buong gabi siyang gising, nakatitig sa kisame, paulit-ulit na binabalikan ang mga salitang narinig niya kahapon. Pero sa kabila ng lahat, may kakaibang katahimikan sa dibdib niya. Kahapon... naging maayos ang pag-uusap nila, at sa huli ay tinanggap niya ang katotohanan tungkol sa pagkatao niya. Tinanggap niya ang mga tunay niyang magulang, at si Ace bilang panganay niyang kapatid.
Nakarinig siya ng mahihinang yabag na bumababa ng hagdanan, at pagtingin.niya ay ang kaniyang kinagisnang ina ang bumababa at tila ba bagong gising pa lamang ito.
"Anak, ang aga mo naman yatang nagising?" Mahinahong tanong nito
