chapter 42
TIN-TIN...
"NAPAPADALAS na yata ang sleep over niyong mag-ina sa bahay ni Theodore. Dalin mo na kaya ang lahat ng mga gamit niyong mag-ina doon," sita ng daddy niya sa kanya.
Naglalagay kasi siya ng gamit ni Nathan sa isang bag niya para dalhin sa bahay ni Theodore ngayon. Nandoon na nga ang anak nila kahapon pa, at ayaw nang bumalik dito sa bahay ng mga magulang niya. Nasisiyahan na kasi ang bata sa mga alagang hayop ni Theodore.
Kasa-kasama palagi ni Theodore ang anak nila sa kung saan man ito pupunta. Si Nathan na rin ang parang assistant ni Theodore kapag magpapakain ito ng mga manok at pugo na alaga nito. Hindi Pa kasi pwede sa baboy si Nathan dahil masyado Pa itong maliit pero nandoon palagi sa tabi ni Theodore at taga-cheer sa ama.
"Ayaw naman po kaming umuwi ni
