"Grabe, love. Kanina pa 'yang pinapatugtog mo. Hindi ka pa ba nagsasawa? Malapit ko nang ma-memorize ang lyrics kahit hindi ko pa naiintindihan," reklamo ni Jun habang pinapatugtog niya ang bagong kanta ng paborito niyang Kpop band.
Napangiti si Sybil habang naririnig ang himutok ng asawa. Ang cute lang kasi nitong magmaktol sa bago niyang obsesyon. Sa loob ng anim na buwan nilang pagiging mag-asawa ay laging nakasuporta si Jun sa lahat ng gusto niyang gawin. Kahit na ang pagiging bagong fan niya sa sikat na Kpop band na BTS.
Ngayon lang ito nagreklamo.
Pero naiintindihan din naman niya asawa dahil halos buong araw na niyang pinapatugtog ang kantang iyon.
Nilapitan at niyakap niya si Jun.
"Love naman eh, hayaan mo na ako. Nagdisband na kasi ang favorite band ko. Kaya ito na ang bagon
