Kasalanan ko 'to. Binaba ko kasi agad ang baril ko. I got distracted by her. Kaya hindi ako makakapayag na mapapahamak si Cindy dahil sa pagkakamali ko.
"Sino ba 'yong bihag niyo?" Demanda pa ni Cindy sa mga bandido. Dapat nanahimik na lang sana ito. Hindi ba nito napagtanto na baka pagtuunan siya ulit ng pansin ng mga ito?
"Kayo ang pumasok sa teritoryo namin," sabi no'ng isang bandido. "at sinubukan pa talaga ninyong sagipin ang lalaking hindi man lang ninyo kakilala."
"Dahil trabaho ko 'yon." Wika ni Cindy.
"Hindi mo dapat ginawa 'yon. Sana hinayaan mo na lang siyang mamatay."
Namalayan na lang ni Taylor sa pamamagitan ng nakikita niyang anino na lumalayo sa kanya 'yong lalaking nakatutok sa kanya ng patalim. At mukhang papalapit ito kay Cindy.
"Oras na para maglagas ng isang bih
