Nasa harap siya ng isang malawak at abuhing kapatagan.
Wala siyang matanaw na kahit na anong gumagalaw. Para bang ang pook ay hindi dinalaw ng buhay. Dalawang kulay lamang ang naghahari sa paligid. Mga puti paroo't parito sa latag ng abuhin.
Tila ayaw niyang tumuloy dahil ang kapatagang ito ay tinatawag na Nuglubong, ang Huling Himlayan. Ang tanging nagpupunta rito ay yaong mga may pumanaw na kamag-anak o yaong nais kitilin ang sariling buhay.
Subalit hindi siya nagtungo rito para sa alin man sa dalawa. Siya ay naparito dahil dito siya manggagaling.
Bago siya tuluyang nakaalis sa Palasyo, hinabol siya ng Manggagamot para sa mga huling tagubilin.
Hawak ang dinalwa, humugot siya ng isang malalim na hininga. Kailangan niya ng tagtag at tapang.
Ipinatong ni Managat ang dinalwa sa ibabaw
