"PLEASE stop the car!" patuloy kong pakiusap kay Tyrone. Nagsimula nang mag-unahan sa pagtulo ang mga luha ko. "Mapapahamak kami ni Athena kapag tinuloy mo ang kalokohang ito. Parang awa mo na. Bumalik na tayo sa hotel."
Parang wala siyang narinig. Sa halip ay pinagkrus niya lang ang mga kamay sa tapat ng dibdib at pinikit ang mga mata.
Hindi ko na alam kung ano ang sasabihin ko para pakinggan ako ni Tyrone. Inis na inis ako sa kaniya ng mga sandaling iyon dahil gumawa siya ng desisyon nang hindi man lang iniisip ang mararamdaman ng mga tao sa paligid niya, at kung ano ang p'wedeng maging consequences nito. Siguradong labis na masasaktan si Valeen kapag nalaman niyang tinangay ako ni Tyrone ngayong gabi. At siguradong magwawala rin si Anton kapag nalaman niya ang bagay na ito.
"I said s
