NAGISING ako kinabukasan nang makaramdam ng gutom. Nanlaki ang mga mata ko nang makita ang oras sa wall clock. Pasado alas-onse na ng umaga. Mabuti na lang at wala akong pasok ngayon sa hotel dahil kung nagkataon ay siguradong na-late ako.
Masyadong napasarap ang tulog ko dala ng matinding pagod. Paano ba naman ay paulit-ulit kaming nagtalik ni Tyrone kagabi. Doon namin binuhos ang matinding pagkasabik namin sa isa't isa.
Bumaling ako kay Tyrone na noon ay mahimbing na natutulog sa tabi ko. Napangiti ako. Napakasaya ko ng mga sandaling iyon dahil sa wakas ay nagka-ayos na ulit kami. Ngayon ko napatunayan na mahal nga talaga niya ako dahil handa niyang suwayin ang kaniyang ama makapiling lang ako ulit.
Maingat kong inangat ang kamay ni Tyrone na nakayakap sa katawan ko nang maramdaman an
