[S]hane
3 weeks earlier...
Inaamin ko medyo nababagot na ako dito sa kinauupuan ko. Kanina pa kasi kami dito ni sir Gust sa restaurant. Kung hindi ako nagkakamali ay magwawalang oras na kaming nandito.
May hinihintay daw kasi siyang isang importanteng kaibigan na darating. Tumawag daw sa kanyang noong isang araw na gusto siya nitong makita kaya pumayag na siya. Yun ang sabi niya.
Pero hanggang ngayon wala pa ring kaibigan niya ang dumadating. Ni anino niya ay hindi ko pa nakikita. Naweweirduhan na rin ako sa kinikilos niya kasi panay din ang alis niya sa kinauupuan niya gaya na lang ngayon. Palagi siyang may kausap sa phone. Minu-minuto.
Napatingin ako sa relo ko. Ala-syete na ng gabi at madilim na din sa labas. Pero labas diyan ang pagkagutom ko. Nakailang ulit na kasing order si sir
