"Masyado mong isinusubsob ang trabaho mo sa pabrika, Brax." Lumapit si Nova sa kanya dala ang mainit na kape. Kasalukuyan siyang nakatingin sa screen ng laptop pero paminsan-minsan ay napapatulala roon at hindi naman sa mga numero ang nasa isip.
"Kailangan eh," pilit niyang sagot. "Kailangan kong ibangon ang kompanya dahil 'yun na lang ang natitira sa pamilya namin."
Ang Papa niya ngayon ay hindi na nagpapakita sa opisina. Ang namamahala na lang roon ay matatapat nilang tauhan. Pero malapit na sa pagkalugi ang Desiderio Fabrics Inc. Naungusan na sila nang tuluyan ng ibang clothing brands.
"Iyon nga ba ang dahilan? O dahil ayaw mong pakawalan ang masaya niyong alaala ni Maliyah?"
Gumuhit ang sakit sa dibdib niya sa katotohanang ayaw niyang aminin kay Nova. Hindi niya gus
