Nakatingin sa salamin si Maliyah habang pinapasadahan ang sarili. Nakasuot siya ng offwhite V-neck wedding dress na ang haba ay hanggang tuhod. Isang simpleng selebrasyon ng civil wedding ang magaganap sa bagong bahay ni Braxton at ang magiging witness lang niya ay ang mga anak ni Luke at dalawang anak niya. Ngumiti siya habang nakatingin sa sarili. Hindi niya akalain na dadating pa siya sa puntong magpapakasal siya ulit at sa lalaki pa na minsan niyang kinamuhian nang labis.
Tatlong buwan na mula ngayon nang una siyang dumalaw sa bahay ni Braxton. Nagkasundo sila na susubukan nilang ayusin ang pagtitinginan at ibalik ang tiwala na nasira ng dating kasintahan noon. She's over forty years old. Wala na sana siyang balak pang mag-asawa ulit. Pero nagpipilit si Braxton na pumasok sa puso niy
