Azelf
Pasado alas otso na ng umaga nang makarating kami sa pinili naming destinasyon para gumala. Kahit na nandirito na nga kami kasalukuyan sa palengke para i-enjoy ang day-off na ibinigay ni Kent sa tatlong katulong na isinama ako, hindi ko itatangging mayroong parte sa pag-iisip kong naiwan doon sa bahay na napapatanong sa nasaksihan ko kanina. Mayroon kasi akong nakitang ikinagulat kong lubusan sa pagkatao ni Kent Bernard. Nang bumalik kasi ako sa bahay para kunin ang cartwheel hat na naiwan ko sa kwarto ay timing namang nakita ko si Kent na may kahalikang kapwa lalaki.
Mabuti na lang at nakalabas ulit ako sa bahay nang hindi niya napapansin. Paano kaya kung nakita niya akong pinagmamasdan siya mula sa hindi kalayuan na niroromansa ang bisita niyang lalaki? Palagay na nating bisexual
