CHAPTER 75
TAHIMIK lang na naglalakad si Castiel habang tinutungo niya ang ilog sa may likod ng Rancho. Kahit na halos tanghali na ay maaliwalas pa rin ang hangin sa lugar. Idagdag pa na hindi masyadong mainit ang sikat ng araw dahil sa mga puno kaya naman malaya lang siyang nakapaglilibot sa lugar.
Kahit na hindi pa siya nakakarating sa mismong lugar kung saan siya pupunta ay kitang-kita niya na agad ang maliit na parang tulay doon tsaka na rin ang ilog.
Hindi niya na mapigilan na mapangiti ng mapait kapag naaalala niya ang lugar na 'yon kung saan magkasama pa sila ni Breigh. Kung saan malaya niya pang nakakausap noon si Breigh ng walang pag aalinlangan hindi tulad ngayon-- na inuunahan pa siya ng kaba sa tuwing binabalak niya na kausapin ang dalaga.
Hindi nagtagal ay nakarating na
