CHAPTER 96
Mabilis lang lumipas ang araw at ngayon ay lunes na. Maagang gumising si Breigh para pumasok sa kompanya kahit ang totoo ay parang masama ang pakiramdam niya. Hindi niya alam kung bakit mainit ang pakiramdam niya na para bang lalagnatin siya ngunit kahit ganon ay pinilit niyang balewalain ‘yon.
Lunes kasi at kailangan niya talaga na sumipot sa Up Land Company dahil marami siyang gagawin at ime-meet na mga kliyente.
Kahit mabagal ang pag kilos na ginagawa niya ay nakayanan niya pa rin na maihanda ang kaniyang sarili bago bumaba sa may ground floor. Hindi niya rin ininda ang sakit ng ulo niya hanggang sa tuluyan na siyang nakarating sa parking area kung saan nandoon na ang kaniyang kotse at ang driver niya na mabilis siyang pinag buksan ng pinto.
Hindi niya pinahalata sa mata
