Cassey's POV
Hindi ko alam ang sasabihin ko. Para akong naubusan ng mga salitang sasabihin. Nanatili lang akong nakatitig sa mga mata niya na nakatingin ngayon sa'kin ng diretso.
Mahal niya ako? Mahal niya rin ako? Totoo ba 'to?
"Hindi kita dapat minahal, Cassey. Hindi dapat." Lalo akong napatitig sa mga mata niya. Nalito ako nang makakita ako ng sakit sa mga mata niya. Para bang nasasaktan siya. "Pero kahit anong pigil ko sa nararamdaman ko para sa'yo, hindi ko pa rin napigilan ang sarili kong mahalin ka."
Nagtuluy-tuloy ang pagtulo ng mga luha ko habang nakatitig ako sa kaniya. Hanggang ngayon hindi pa rin ako makapaniwala sa mga sinabi niya.
"Ikaw ang dahilan kung bakit nagpapabalik-balik ako sa mundo ng mga tao noon." Literal na nanlaki ang mga mata ko sa sinabi niya. "Ang huling
