SHEINA
Pagkatapos naming mag-usap ni Jeron ay sumakay na kami sa isang van na nirentahan pala nila ni Raffy. Ang usapan namin ay lalayo kami ng San Policarpio. Ang akala ko, magtatago lang kami sa kung saang medyo malapit pa rin na bayan, pero nagulat ako nang ma-realize ko na papunta pala kami sa La Victoria, iyong pinakamalapit na malaking siyudad dito sa probinsiya namin. Malayo na ito sa San Policarpio dahil sampung bayan na ang nalampasan namin bago kami makarating dito.
At ngayon, nandito na kami sa airport ng La Victoria at nakabili na si Jeron ng tickets namin para sa flight namin bukas. Hindi nga ako makapaniwala eh. "Jeron, pupunta tayong Manila?" gulat na tanong ko sa kanya nang ipakita niya sa akin ang tickets na nabili niya. "Seryoso ba 'to?"
Tumango siya. "I'm sorry kung n
