SHEINA
Tuwang-tuwa ang mga tao sa paligid ko nang makita nila na magkasama kaming papasok ng school ni Jeron. Akala pa nga nina Kuya Kris ay nagkabalikan na kami dahil sumabay ako kay Jeron papuntang school, pero mabilis kong itinanggi iyon. Siyempre, may hiya pa rin naman ako ano.
Tulad kasi ng inaasahan ko, magiging malaking issue na naman kaming dalawa ni Jeron sa buong San Policarpio, pero sa totoo lang wala na rin naman akong pakialam sa sasabihin ng ibang tao. Mas prinoproblema ko ang sarili kong pamilya dahil alam na nila at ng mga kaibigan ko na magkasama kami ni Jeron sa bahay buong magdamag kaya para hindi nila ako tuksuhin nang bongga, bawat tanong at usisa nila sa akin ay nire-replyan ko ng pagdi-deny.
"Totoo naman kasi," sabi ko kay Yenna sa telepono. Tumawag kasi siya aga
