Paggising ni Lawrence ay masama ang panahon. Madilim pa rin ang paligid dahil sa nagbabadyang ulan kahit alas otso na ng umaga. Tinanghali siya ng gising dahil Linggo naman ngayon at katatapos lang naman ng anihan ng palay.
"Nasaan ang Ma'am Erika mo?" tanong niya sa katulong.
"Maaga pong umalis. Mamimili po ng grocery dito sa bahay."
"Kanina pa ba umalis?"
"Kaaalis lang ho."
Ilang linggo na rin niyang napapansin na umaalis ito ng gabi kasama sina Gigi. Noong isang gabi ay lalaki ang naghatid dito kaya't gusto niya sana itong kausapin.
Dahil may nagbabadyang bagyo ay malakas na rin ang hangin. Pagkatapos lamnan ang tiyan ay nagtungo siya sa bukid para tingnan kung may ilang pananim pa na puwedeng maani bago masalanta ng bagyo. May ilang tauhan lang siyang kasama at naroon din
