BINALIK niya ang kanyang tingin sa lalaking dahilan kung bakit siya masaya ngayon, ang lalaking dahilan kung bakit matutupad na sa wakas ang simpleng pangarap niya na magkaroon ng sariling pamilya.
Napapikit siya sa huling linya ng kanta dahil sapol na sapol kasi sa damdamin niya ng mga sandaling iyon para sa lalaki. Pagkamulat niya'y tumigil na sila at napakurap-kurap siya nang maramdaman niya ang mainit na kamay ni Gelbirth na humawak sa kamay niya.
"Sweetheart, hanggang sa kasal ba naman natin ay lutang ka pa rin, gusto mo bang mauna ang, "Kiss the bride" sa "You're now officially husband and Wife" sabihin mo lang," bulong ni Gelbirth sa kanyang tenga.
Napayuko naman siya, hindi niya alam kung seryoso ba ang lalaki o binibiro lang siya nito.
"Let's go, sweetheart, bago ko pa magaw
