Lihim siyang natuwa nang makaalis na sina Melissa kasama ang magulang nito, hindi lang dahil matatapos na ang trabaho nila sa kusina at makakapagpahinga na sila kundi dahil kanina pa siya naiinis kay Melissa. Masyadong mapangmataas ito na akala mo kung sino pa kung makautos sa kanya. Katulong nga ang tawag nito sa kanya, eh lamang lang naman ng isang paligo ito sa kanya. Masyado ngang halata ang pamilya nito na atat na atat nang maikasal ang anak ng mga ito kay Marcus. Syempre dahil mayaman at tagapagmana si Marcus ni Don Marcelo.
Sa inis nga niya kay Melissa nakapagdesisyon na siyang sagutin si Marcus para masimulan na nila ang laro nila, para naman makita kung ano ang magbabago sa set up nila. Alam niyang once na pumayag na siya sa alok ni Marcus, kasama na roon na pwede na siyang angki
