DIANE’s POV
“Hi, Misis ko!” Pagkatapos akong salubungin ng pamilya ko ay may isa pang naghihintay sa akin. Ang Mister ko. Malawak ang pagkakangiti nito. Kaya mas lalo naman siyang gumwapo sa paningin ko.
“Hello, Mister ko!” Yayakapin ko na sana siya tulad ng ginawa ko sa pamilya ko pero bigla akong natigilan. Nasa labas nga pala kami. Baka mapahiya lang ako kapag ginawa ko ito. Ang malapad niyang ngiti ay unti-unting nawala. Hindi ko napansin na nakabuka pala ang mga braso niya. Para saan?
“Hindi mo ba ako na-miss, Misis ko?” tanong niya sa akin na seryoso na ang mukha.
“Miss na miss, syempre, Mister ko.” Sambit ko naman sa kanya.
“Bakit hindi mo ako niyakap?” tanong nito sa akin.
“Pwede ba? Baka kasi awatin mo ako kaya hindi ko itinuloy. Kaya ba nakabuka kanina ang mga braso mo?
