SHADON’s POV
Nakatulog naman ako. Pagkagising ko ay tanghali na. Ready na ang pagkain ko. Nagluto si Aling Lynda.
“Good afternoon po!” bati ko rito.
“Nagluto na ako. Nakita kong nasa may garahe ang sasakyan mo kaya ipinagluto kita ng pananghalian mo. Mukhang may lakad ka, ah.”
“Opo, may lakad po kami ni Diane.” Nababanggit ko na ang pangalan sa kanila ni Diane pero hindi ko pa ito naipapakilala sa kanila. “Nasa may farm po ba si Mang Anacleto? Hindi na po kasi ako nakapunta ro’n kanina. Napasarap po ang tulog ko.” Hindi ko sinabi kung saan ako galing at kung anong oras na ako umuwi.
“Kumain ka na muna bago ka umalis. Lalabas na ako at hindi pa tapos ang mga labahin ko.” Wika nito sa akin. Naupo na ako at nag-umpisa na muna akong kumain. Maaga pa naman pero okay na rin na maaga akon
