Hinahayaan kong nakalabas ang aking kaliwang braso sa bintana ng sasakyan upang damhin ang malamig na hangin sa kalsada. Madilim pa ang daan. Puno pa ng bituin ang kalangitan pero mas pinili naming bumyahe na patungo sa Zambales para sa plano kong out of town upang icelebrate ang pagiging kami. Ipinatong ko ang aking baba sa bintana at hinayaan na tangayin ng hangin ang buhok kong nakaladlad. Hindi ko alam kung paanong ipapaliwanag ang kakaibang saya na nararamdaman ko sa mga oras na ito. Madalas naman kaming mag-out of town ng mga kaibigan ko noon pero kakaiba ang ngayon.
Palihim kong sinipat ang magkahawak naming kamay ni Arthur. Bagaman magkadaop ang mga iyon ay hindi naging hadlang ito upang makapagmaneho sya ng maayos.
"Matulog ka muna. Malayo pa ang byahe natin." Salita ni Arthur m
