Magdidilim na nang marating namin ang bayan nila Arthur. Nagulat pa ako dahil sa Zambales din pala sya nakatira. Sinadya nya raw na hindi na sabihin dahil baka ayawan ko kaagad sya kapag nagyaya. Agad kaming nagtungo sa bahay ng Tita nya para doon daw tumuloy pansamantala at ngayon ay hindi ko alam kung paanong kikilos ng maayos dahil nakatingin ang tiyahin at tiyo nya sa akin.
"Ikaw ba ang nobya ni Arthur, hija?" Ayon nanaman sya sa tanong na iyon. Naiilang na ngumiti ako. Hindi ko malaman kung iiling nga ba ako o tatango bilang tugon.
Ayoko naman na magsinungaling sa isang mas nakatatanda, 'no!
"Hindi daw po, auntie. Magkaibigan lang po sila at may boyfriend itong si miss Mindy," saad ni Clarisse. Sinadya nyang ipagdiinan ang salitang magkaibigan para siguro mang-asar nanaman.
Bin
