"Mayroon po akong nakitang naglalakad na lalaki kanina doon," sambit ng babae habang tinuturo ang gubat na parte ng daan. "Pero hindi ko sigurado kung si detective Peter po ang nakita ko!"
Kaagad namang nagpunta si Mang Kepweng sa gilid na parte ng daan at sa kanyang tiyagang sundin ang dugong tumutulo sa sahig ay natunton niya si Peter na nakasandal sa likod ng puno ng mangga. Duguan ang kanyang ulo at wala na siya halos kalakas lakas para kumilos pa.
Walang atubiling lumapit si Mang Kepweng kay Peter at halos abot langit ang kanyang ngiti nang tingan niya ng binata.
"Salamat naman sa diyos at buhay ka, Peter! Akala talaga namin ay wala ka na!"
Kahit mahina ang boses ni Peter ay pinilit niyang magsalita kay Mang Kepweng, "Wag kang mag-alala, mas matalino pa ako sa matsing at mas mal
