Isang malakas na sampal ang tumama sa pisngi ni Cintha. Galit na galit na nakatingin sa kaniya ang kaniyang ama. Gabi na nang makauwi siya sa kanilang mansyon upang makausap ito sa nangyaring tagpo sa headquarters ng Cruixan.
"Wala kang silbi! bakit hindi mo napigilan si Haze? akala ko ba ay kaya mo siya, ha?" sabi ni Denver sa kaniya.
Si Denver ang tumayong ama niya nang mamatay sa sunog ang kaniyang mga magulang. Malaki ang utang na loob niya dito dahil ito ang nagpalaki at kumupkop sa kaniya. Ito ang tumayong magulang niya.
Ngunit hindi niya inaasahan na kaya pala siya nito pinalaki, pinag-aralan at ipinasok sa Cruixan ay upang matulungan ito sa kagustuhan nito na maging isang pinuno. Matagal na iyong pangarap ng kaniyang ama. Dahil isa ito sa kanang kamay ni Felix ay malaki ang pag-
