"Whoah! Ang ganda Gabu!"
Iyan lang ang nasabi ko matapos kong masilayan ang bayan na nagmistulang isang Christmas Village ngayon. Hitik sa makukulay at kumukuti-kutitap na parol ang buong lugar. Nagsisimula na rin ang mahabang parada ng mga torch at lantern. Iba't-ibang laki, hugis at desinyo ang bawat lantern. Maging ang mga kulay nito ay magkakaiba rin.
May korteng isda, prutas, hayop, at marami pang iba. Nakakatuwa ang mga itong pagmasdan na animo'y lumulutang lamang sa gitna ng kadiliman. Halatang pinaghandaan ang bawat piraso. Lalo na iyong may pinaka malalaking sukat.
Sa bawat gitna ng pila ng mga pumaparada ay may mga malalaking karitelang naglalaman naman ng iba't-ibang uri ng makukulay na replika na sumisimbolo ng kapaskuhan. Gaya na lamang ng sabsaban o belen at si Santa Claus
