Kahit anong pigil ni Lena sa mga luha niya ay patuloy lamang iyon sa pagbuhos. Nasabi na ni Uno ang dapat nitong sabihin ngunit hindi pa rin matahimik ang kanyang damdamin. Labis-labis pa rin siyang nasasaktan dahil sa mga nangyari. Tila ba hindi naging sapat ang paghingi nito sa kaniya ng kapatawaran upang maibsan ang labis na kirot na kaniyang nararamdaman.
Pakiramdam niya'y tila wala ng katapusan ang lahat ng sakit na nagpapahirap ngayon sa kaniyang dibdib. Kahit ilang beses pa niyang itanim sa kaniyang isip na makakayanan niyang tanggapin ang lahat ngunit hindi pala iyon ganoon kadali. Mahirap tanggapin ang lahat lalo na't puso ang labis na nasasaktan.
Itinakip ni Lena ang mga kamay niya sa kaniyang mukha upang itago kay Uno ang kaniyang mga luha na walang humpay sa pagbuhos. Pilit n
