Maaga nagising ang mga tao sa Mansion lalo pa na may kampanya ngayong araw na ito. Maganda ang panahon kung ikukumpara kagabi na medyo maulan. May pinag-dadaanan man na pagsubok sa pag-alis ni Ron sa Mansion at pakikipagtanan nito kasama si Mika, ay hindi na rin masyadong iniisip nila Ruby dahil alam nila na kung nasaan man ang dalawa ay masaya ang mga ito, lalo pa at malayo sa pamilyang ito. Samantalang si Fin ay mananatili muna sa Maynila ng ilang araw upang ayusin ang mga iniwan ni Ron na trabaho sa kumpanya.
Maaga rin nagising ang mga kasambahay lalo pa at kagaya nung unang campaign ay isasama sila para sumali at tumulong sa mga tauhan ni Raul.
Si Evelyn at Raul, ay galit sa naging desisyon ni Ron. Nag-utos pa si Evelyn na hanapin ang anak dahil hindi nila kayang bitawan ang pagkaka
