Ang tunog mula sa ring ng kaniyang telepono ang gumising kay Ruby. Nakita niya na mula iyon kay Detective Alcala, kaya naman ay dali-dali niyang tinanggap ang tawag. "Hello, Detective?" Mahinang tanong niya bago napatingin kay Pablo Ruiz na natutulog sa kaniyang tabi. Tumayo siya mula sa kama at tuluyan na kinausap ito.
"Napatawag ka? May update na ba?" tanong niya kay Detective Alcala at agad na sumagot ito.
"Tungkol sa imbestigasyon namin sa sinabi ni Fin," napabuntong hininga ito kaya kinabahan si Ruby. "Positive, narito ako ngayon sa site. At narito nga ang bangkay ni Alvarado. Lumapit din kami sa satelite site upang tignan ang CCTV footage at tama nga siya, makikita sa CCTV ang mga sasakyan ni Raul at si Raul mismo na lumabas ng sasakyan."
Lumapad ang ngiti ni Ruby dahil sa kaniya
