"Wow! Amoy pa lang alam ng masarap!" Takam na takam na sabi ni Cecil kay Ruby na ngayon ay naghahalo ng kakaluto lang na ulam. "Pwedeng patikim, Mam?"
"Oo naman," sagot ni Ruby at sumandok upang subuan ng sabaw ang kasambahay.
Nanlaki ang mata ni Cecil at napangiti. "Grabe mam! Ang sarap! Parang nakalimutan ko ang pangalan ko."
Natawa si Ruby at napailing. "Ikaw talaga, binobola mo na lang ata ako."
"Huy! Hindi Mam! Totoo naman na masarap eh. Patikim pa po isa, please."
"Cecil, tantanan mo na ang luto ni Mam diyan." Saway ni Manang Martina kay Cecil dahil hindi lang tikim ginawa nito. Sumandok ito sa bowl at inilagay sa kanin.
"Ang sarap kasi! Baka maubusan ako. Mabilis lang ito, isang lunukan ko lang. Salamat, Mam."
Napailing si Manang Martina sa katawakawan nito. Habang natat
